მკერდის კიბოს რეციდივი (ნაწილი 2)
რა სიმპტომები შეიძლება მიუთითებდეს ძუძუს კიბოს დაბრუნებაზე?
გულმკერდის, იღლიის არის, ხელის ან მკლავის შეშუპებამკერდის ფორმის ან ზომის ცვლილებაკანის ტექსტურის ცვლილება, მაგალითად შეკუმშვა ან ჩაღრმავებაძუძუს თავის - კერტის პოზიციისა და ფორმის ცვლილებაგამონადენი ძუძუს თავიდანსიწითლე ან გამონაყარი კანზე, ძუძუს თავზე ან მასტექტომიის ნაწიბურის მიდამოშიკვანძი ან გამკვრივება მკერდში
ოპერაციისა და რადიოთერაპიის შემდეგ შეიძლება რამდენიმე თვის განმავლობაში იგრძნოთ ტკივილი, წვა ან დაბუჟება ნაწიბურის ან იღლიის არეში. ეს ნორმალურია და ჩვეულებრივ ძუძუს კიბოს რეციდივზე არ მიანიშნებს. ექიმთან საუბარი და საკუთარი სიმპტომების დაკვირვება დაგეხმარებათ განსაზღვროთ, რა არის თქვენს მდგომარეობაში ნორმალური.მეორადი/მეტასტაზური ძუძუს კიბოს სიმპტომები დამოკიდებულია იმაზე, თუ სხეულის რომელ ნაწილშია გავრცელებული კიბო. ამ სიმპტომებს შეიძლება სხვა მდგომარეობებიც იწვევდეს, თუმცა აუცილებლად აცნობეთ თქვენს ონკოლოგს, თუ რომელიმე სიმპტომი 2 კვირაზე მეტხანს გრძელდება.მეორადი ძუძუს კიბოს ზოგადი სიმპტომები შეიძლება იყოს:უჩვეულო დაღლილობის შეგრძნება;მადის დაკარგვა;უმიზეზოდ ზოგადი სისუსტის ან შეუძლოდ ყოფნის განცდა; ძვლებში მეორადი ძუძუს კიბოს სიმპტომებია:მუდმივი ტკივილი ძვალში. ტკივილი შეიძლება გაძლიერდეს მოძრაობისას. სახსრების ტკივილი ხშირია და სხვადასხვა მიზეზით შეიძლება იყოს გამოწვეული, მაგალითად ჰორმონოთერაპიით ან მენოპაუზით. სისხლში კალციუმის მომატება (ჰიპერკალცემია).ფილტვებში მეორადი ძუძუს კიბოს სიმპტომები შეიძლება იყოს:გახანგრძლივებული ხველა და სუნთქვის გართლებაღვიძლში მეორადი ძუძუს კიბოს სიმპტომები:თუ სიმსივნე ღვიძლშია გავრცელებული, მუცლის მარჯვენა მხარეს, ქვედა ნეკნების ქვეშ შეიძლება იგრძნოთ დისკომფორტი ან ტკივილიგულისრევის შეგრძნებამადის დაკარგვაძლიერი დაღლილობა და ზოგადი უგუნებობაკანისა და თვალების გაყვითლება და ქავილიტვინში მეორადი ძუძუს კიბოს სიმპტომები:ტვინში მეორადმა კიბომ შეიძლება გამოიწვიოს თავის ტკივილი და გულისრევა ან ღებინება. ეს სიმპტომები გამოწვეულია ტვინში წნევის მატებით და შეიძლება განსაკუთრებით ძლიერად გამოვლინდეს დილით.სიმპტომები დამოკიდებულია იმაზე, ტვინის რომელი ნაწილია დაზიანებული და შეიძლება მოიცავდეს:სისუსტე ან დაბუჟება ხელში ან ფეხშითავბრუსხვევაწონასწორობის დაკარგვახასიათისა ან პიროვნების ცვლილებებიკრუნჩხვები (ეპილეფსიური შეტევები)თუ ზემოთ ჩამოთვლილი სიმპტომებიდან რომელიმე არის ახალი და რამდენიმე დღეში არ გაქრა, აუცილებლად მიმართეთ ექიმს.გახსოვდეთ, რომ ერთი ან რამდენიმე სიმპტომის არსებობა არ ნიშნავს ძუძუს კიბოს რეციდივს, თუმცა აუცილებელია ექიმთან კონსულტაცია.
- 12/24/2025 11:00:02 AM
3 რჩევა, რომელსაც მივცემდი ადამიანს კიბოს დიაგნოზის გაგების შემდეგ:
#კატეგორია: #გააზიარეგამოცდილება
დაწვრილებით
3 რჩევა, რომელსაც მივცემდი ადამიანს კიბოს დიაგნოზის გაგების შემდეგ:
3 რჩევა, რომელსაც მივცემდი ადამიანს კიბოს დიაგნოზის გაგების შემდეგ:
არ წახვიდე ექიმთან მარტო. აუცილებლად წაიყოლე შენთვის ყველაზე სანდო ადამიანი, რომელიც დასვამს რელევანტურ კითხვებს და შენთან ერთად მოისმენს ექიმის საუბარს.
წინასწარ ჩამოწერე კთხვები, რაც საწყის ეტაპზე გაგიჩნდება. თავად მოინიშნე პასუხები ან სთხოვე მეგობარს ჩაინიშნოს. (თუ ნებას მოგცემს ექიმი, ჩაიწერე შეხვედრა აუდიოზე)
არ დაკარგო დრო და იმოქმედე სწრაფად. როდესაც საქმე ონკოლოგიურ დაავადებას ეხება, მკურნალობის დროულად დაწყება მნიშვნელოვანია.
თქვენ რა რჩევას მისცემდით მათ, ვინც დიაგნოზი ახლა გაიგეს? თავად რომელი რჩევა გამოგადგათ ყველაზე მეტად?
- 12/24/2025 10:56:56 AM
დენსიტომეტრია - რატომ არის მნიშვნელოვანი ძვლის სიმკვრივის შემოწმება მკერდის კიბოს დიგნოზის შემდეგ?
#კატეგორია: მკერდის კიბო
დაწვრილებით
დენსიტომეტრია - რატომ არის მნიშვნელოვანი ძვლის სიმკვრივის შემოწმება მკერდის კიბოს დიგნოზის შემდეგ?
ძვლების ჯანმრთელობა ნებისმიერი ადამიანის ცხოვრების ხარისხზე ახდენს გავლენას.ამ პოსტით შეიტყობთ, რა სახის კვლევა უნდა ჩაიტარონ მკერდის კიბოს დიაგნოზის მქონე პაციენტებმა იმისთვის, რომ აკონტროლონ ძვლების სიჯანსაღე. კვლევის მიხედვით, ქლებს, რომლებმაც მკერდის კიბო დაამარცხეს, 68%-ით უფრო მაღალი რისკი აქვთ ოსტეოპოროზისა და ოსტეოპენიის, ვიდრე ჯანმრთელ ქალებს.ჰორმონულ თერაპიას, რომელიც მკერდის კიბოს დიაგნოზის მქონე ქალებში წლების განმავლობაში გრძელდება, შეუძლია გაზარდოს ძვლის მოტეხილობების რისკი.ძვლის განლევა ხშირად შეუმჩნეველი და უსიმპტომო პროცესია, ამიტომ აუცილებელია სკრინინგი.როგორ აფასებენ ძვლის ჯანმრთელობას?
ფიზიკალური გასინჯვითსისხლისა და შარდის ანალიზებით(კალციუმი, ფარისებრი ჯირკვლის ფუნქციური ტესტები, D ვიტამინი და სხვა)დენსიტომეტრიითექიმები ძვლის სიმკვრივის დასადგენად იყენებენ DEXA-სკანირებას. საქართველოში ამ პროცედურას უფრო ხშირად დენსიტომეტრიულ კვლევად მოიხსენიებენ. ამ სკანირებისას გამოიყენება ძალიან მცირე დოზით რადიაცია, რათა ექიმმა დაინახოს ძვლების მინერალური შემცველობა — განსაკუთრებით ისეთ უბნებში, როგორიცაა თეძო, ხერხემალი და მაჯა. პროცედურა სწრაფი და უმტკივნეულოა.დენსიტომეტრიის შედეგებში ორი მაჩვენებელია: T-score: აჩვენებს განსხვავებას თქვენი ძვლის სიმკვრივესა და იმავე სქესისა და ეთნიკური კუთვნილების 25–35 წლის ჯანმრთელი ზრდასრული ადამიანის ძვლის სიმკვრივეს შორის.ხანდაზმული ქალების უმეტესობას T-score უარყოფითი აქვს, რადგან მათი ძვლის სიმკვრივე დაბალია ახალგაზრდა ქალებთან შედარებით. რაც უფრო დაბალია T-score, მით უფრო დაბალია ძვლის მინერალური სიმკვრივე.
Z-score აჩვენებს თქვენი ძვლის სიმკვრივეს იმავე ასაკის, სქესის, ეთნოსის, სიმაღლისა და წონის მქონე ადამიანების ნორმალურ მაჩვენებელთან შედარებით. ხანდაზმულ ადამიანებში ძვლის დაბალი სიმკვრივე საკმაოდ ხშირია, ამიტომ Z-score ყოველთვის ზუსტ წარმოდგენას არ იძლევა.ძვლის სიმკვრივის შენარჩუნება მნიშვნელოვნად არის დამოკიდებული ონკოპაციენტის ცხოვრების წესზე. გთავაზობთ რჩევებს, რომელთა გათვალისწინებაც შეანელებს ოსტეოპოროზულ პროცესებს თქვენს ორგანიზმში:
დაბალანსებული კვება: კალციუმით მდიდარი საკვების, რძის ნაწარმის, მწვანე ფოთლოვანი ბოსტნეულის, თევზისა და ლობიოს მიღება;D ვიტამინის მიღება: ცხიმიანი თევზი, კვერცხის გული, ღვიძლი, D ვიტამინი დანამატის სახით;მაგნიუმის მიღება: ავოკადო, თხილი, პარკოსნები, მარცვლეული;ცილის მიღება ყველა კვებაზე: საჭიროა კუნთების და ძვლების გამაგრებისთვის.ვარჯიში - ძვლების გასამაგრებლად საჭიროა როგორც აერობული დატვირთვა, მაგალითად, სიარული, ცეკვა, კიბეზე ასვლა, ასევე ძალისმიერი ვარჯიში (ჰანტელების, რეზისტენტული სარტყელების ან ტრენაჟორების გამოყენებით)კალციუმის და D ვიტამინის დამატება ეფექტიანია მოტეხილობების პრევენციისთვის. ასევე მნიშვნელოვანია მაგნიუმი, K ვიტამინი და თუთია. (აღნიშნული დანამატები უნდა დაგინიშნოთ ექიმმა და არ არის რეკომენდებული მათი თვითნებურად მიღება)აქვე შეგახსენებთ, რომ ალკოჰოლი და მოწევა აზიანებს ძვლებს — აფერხებს კალციუმის შეწოვას, ამცირებს ესტროგენს
ძვლების სიმტკიცე აუცილებელია ჯანმრთელობის შესანარჩუნებლად. თუ ხართ მკერდის კიბოს დიაგნოზის მქონე პაციენტი, აუცილებლად ესაუბრეთ ექმის ამ საკითხზე, დადგენილი ვადებით ჩაიტარეთ დენსიტომეტრია და მიიღეთ ზომები, რომ შეინარჩუნოთ ცხოვრების მაღალი ხარისხი
გთხოვთ გადააზიაროთ პოსტი, რათა კიდევ უფრო მეტმა ადამიანმა გაიგოს ჩვენი გვერდის შესახებ
გამოყენებული წყაროები:
- 12/24/2025 10:54:54 AM
როგორ ვესაუბროთ შვილებს კიბოზე? რჩევები და რეკომენდაციები
#კატეგორია: ემოციური მხარდაჭერა
დაწვრილებით
როგორ ვესაუბროთ შვილებს კიბოზე? რჩევები და რეკომენდაციები
კიბოს შესახებ ბავშვებთან და მოზარდებთან საუბარი რთულია. ადამიანების ნაწილი ფიქრობს, რომ ბავშვმა სჯობს არ იცოდეს ოჯახის წევრის ონკოდიაგნოზის შესახებ, რადგან ასე შეძლებენ მათი სტრესისგან დაცვას. თუმცა, გაითვალისწინეთ, რომ ბავშვები ყოველთვის გრძნობენ, როცა რაღაც სერიოზული ხდება მათ გარშემო. ისინი ამჩნევენ ცვლილებებს დიდების ქცევაში, ემოციებსა და განწყობებში. ამიტომ, აუცილებელია, მათთან დროულად საუბარი და სიტუაციის ახსნა. რატომ არის ბავშვებთან საუბარი მნიშვნელოვანი?მათ ნაკლები შფოთვა ექნებათ, როცა ეცოდინებათ, რა ხდება.დიაგნოზის გამხელით დაანახებთ, რომ ენდობით.გაგიადვილდებათ ურთიერთობა და ერთმანეთის მხარდაჭერა.ბავშვები მაინც იგებენ სიმართლეს სხვადასხვა გზით. იმისთვის, რომ მცდარი წარმოდგენა არ შეექმნათ, უმჯობესია, თავად უთხრათ, რაც ხდება.თუ მათ ინფორმაციულ ვაკუუმში ამყოფებთ, შესაძლოა თავი მარტო და უყურადღებოდ იგრძნონ.სანამ ბავშვს ან მოზარდს დაელაპარაკებით, მნიშვნელოვანია, რომ თავადაც მოემზადოთ: 
ექიმებისგან მოაგროვეთ საჭირო ინფორმაცია.წარმოიდგინეთ, რა კითხვები შეიძლება გაუჩნდეთ მათ.მოიფიქრეთ, თუ რა სიტყვებით აუხსნით მათ ყველაფერს.შესაძლებლობის არსებობის შემთხვევაში რეკომენდირებულია ფსიქოლოგთან კონსულტაციის გავლა.რეკომენდირებულია, რომ:საუბარს დაესწროს მეორე ახლობელი ზრდასრულიც — ოჯახის წევრი ან მეგობარი. მეორე ადამიანის თანდასწრებით ბავშვი თავს მეტად უსაფრთხოდ იგრძნობს.თუ რამდენიმე შვილი გყავთ, ერთად უთხრათ, რომ ეჭვიანობა ან დაბნეულობა თავიდან აირიდოთ.აარჩიოთ სასაუბროდ მშვიდი და კომფორტული ადგილი, სადაც თავს ყველა კარგად იგრძნობთ.არ გაუმხილოთ დიაგნოზის შესახებ ძილის წინ.აუხსნათ მარტივი, გასაგები სიტყვებით.მისცეთ დრო კითხვებისთვის და უპასხოთ მათ შეკითხვებს.მოუსმინოთ — ესაუბრეთ ღიად და გულწრფელად.ნუ შეამსუბუქებთ სიტუაციას, თუმცა ეცადეთ დამაიმედებელი ინფორმაცია მიაწოდოთ. მაგალითად, შეგიძლიათ უთხარით:„კიბო სერიოზულია, მაგრამ ექიმები ყველაფერს აკეთებენ დასახმარებლად.“ან
„(ოჯახის წევრს)კიბო აქვს. ექიმები აძლევენ სპეციალურ წამალს. ზოგჯერ ცუდად იქნება ან დაღლილი, მაგრამ მერე უკეთ გახდება. შეიძლება თმაც გაცვივდეს, მაგრამ ისევ ამოუვა.“ბავშვებმა უნდა იცოდნენ, რომ:კიბო არ არის მათი ბრალიკიბო არ არის გადამდები— შეიძლება ახლოს ყოფნა, ჩახუტებაყოველთვის ეყოლებათ ადამიანი, ვინც მათზე იზრუნებს შეუძლიათ გითხრან, რასაც გრძნობენმზად ხართ მოუსმინოთ, უპასუხოთ მათ კითხვებს და დაეხმაროთთქვენ რა ფორმით უთხარით თქვენს შვილებს და რა რეკომენდაციას მისცემდით სხვებს?
გაგვიზიარეთ თქვენი გამოცდილება
გამოყენებული წყარო:
- 12/24/2025 10:53:27 AM
3 რამ, რასაც არ გავაკეთებდი ახლა რომ ვიწყებდე სიმსივნესთან ბრძოლას
#კატეგორია: #გააზიარეგამოცდილება
დაწვრილებით
3 რამ, რასაც არ გავაკეთებდი ახლა რომ ვიწყებდე სიმსივნესთან ბრძოლას
3 რამ, რასაც არ გავაკეთებდი ახლა რომ ვიწყებდე სიმსივნესთან ბრძოლას:არ დავუმალავდი დიაგნოზს ოჯახის წევრებს და დროულად შევატყობინებდი მათ ამის შესახებ, რადგან ემოციური და ფიზიკური მხარდაჭერა ძალიან მნიშვნელოვანია.არ მომერიდებოდა/არ შემრცხვებოდა ექმისთვის კითხვების დასმა და საკუთარ თავს შევახსენებდი, რომ დიაგნოზზე სრული ინფორმაციის ქონა ჩემი უფლებაა. (ინფორმირებული პაციენტი უფრო ძლიერია)თქვენ რას არ გააკეთებდით, ახლა რომ იწყებდეთ კიბოსთან ბრძოლას?
გაგვიზიარეთ გამოცდილება
- 12/24/2025 10:49:27 AM
პორტი და ქიმიოთერაპია • რა მიზნით და როდის სთავაზობენ პორტს პაციენტებს (ნაწილი 1)
#კატეგორია: ქიმიოთერაპია
დაწვრილებით
პორტი და ქიმიოთერაპია • რა მიზნით და როდის სთავაზობენ პორტს პაციენტებს (ნაწილი 1)
რა დროს არის რეკომენდებული იმპლანტირებული პორტი?პორტი გამოიყენება ქიმიოთერაპიის, მედიკამენტების შეყვანის ან სისხლის ნიმუშების ასაღებად. პორტი შესაძლო დაზიანებისგან იცავს ვენებს. ასევე მოსახერხებელია იმ პაციენტებისთვის, რომლებსაც რთულად მისადგომი ვენები აქვს. რა არის იმპლანტირებული პორტი (ქიმიოთერაპიის პორტი)?იმპლანტირებული პორტი არის მცირე მოწყობილობა, რომელიც თავსდება კანის ქვეშ (პორტი თავსდება კანსა და კუნთს შორის არსებულ რბილ ქსოვილში).პორტი შედგება რეზერვუარისა და კათეტერისგან. კათეტერი არის თხელი, რბილი და მოქნილი მილი, რომელიც თავსდება გულმკერდის ან მკლავის კანქვეშ. მილის ერთი ბოლო შედის დიდ ვენაში, მეორე ბოლო კი უკავშირდება პორტს.პორტი დამალულია და მხოლოდ მცირე ბორცვივით იგრძობა კანქვეშ.როგორია პორტის იმპლანტაციის პროცედურა?პორტის იმპლანტაცია მარტივი ქირურგიული პროცედურაა, რომელიც ხორციელდება ადგილობრივი ანესთეზიით. პროცედურას ატარებს რადიოლოგი ან სპეციალიზებული ექთანი და დაახლოებით ერთი საათის განმავლობაში გრძელდება. პაციენტი იმავე დღეს ბრუნდება სახლში. რამდენ ხანშია შესაძლებელი პორტის გამოყენება?ჭრილობის შეხორცებას რამდენიმე დღიდან ორ კვირამდე სჭირდება. ექიმი აფასებს, რამდენად სწრაფად არის შესაძლებელი პორტის გამოყენება.რამდენ ხანს რჩება პორტი სხეულში? პორტი ქიმიოთერაპიის დასრულებამდე რჩება - შესაძლოა კვირებით, თვეობით ან წლებითაც კი. გაითვალისწინეთ, რომ თუ ინფექცია განვითარდა, პორტი შესაძლოა ამოიღონ და საჭიროების შემთხვევაში ხელახლა ჩადგან.რომელი სიმპტომია საყურადღებო?პორტის იმპლანტაციის შემდეგ რამდენიმე დღე შეიძლება იგრძნოთ ტკივილი ან სილურჯე. ეს ბუნებრივია. ასეთ დროს ექიმი დაგინიშნავთ ტკივილგამაყუჩებელს.
თუ ქვემოთჩამოთვლილი სიმპტომთაგან რომელიმე შეამჩნიეთ, დაუყოვნებლივ მიმართეთ ექიმს - შესაძლოა ინფექცია იყოს.სიწითლეშეშუპებასისხლდენატკივილიმაღალი ტემპერატურა ან სიმხურვალე ჭრილობის ადგილზეგაითვალისწინეთ:თუ პორტი რეგულარულად არ გამოიყენება, საჭიროა მისი გამორეცხვა ყოველ 4–6 კვირაში, გამორეცხვის პროცედურას ასრულებს ექთანი.პორტს არ სჭირდება სხვა დამატებითი მოვლა.
[პოსტში გამოყენებული ფოტო დაგენერირებულია ხელოვნური ინტელექტის მიერ და ვიზუალურად წარმოაჩენს პორტის მდებარეობას სხეულზე]
გამოყენებული წყარო:
- 12/24/2025 10:47:32 AM
რა გართულებები შეიძლება მოჰყვეს პორტის იმპლანტაციას? (ნაწილი 2)
#კატეგორია: ქიმიოთერაპია
დაწვრილებით
რა გართულებები შეიძლება მოჰყვეს პორტის იმპლანტაციას? (ნაწილი 2)
ნებისმიერ ქირურგიულ მანიპულაციას შესაძლოა მოჰყვეს გართულებები. გამონაკლისი არც პორტის იმპლანტაციაა. ამის შესახებ თითოეული პაციენტი ინფორმირებული უნდა იყოს.ინფექცია - შეიძლება განვითარდეს კათეტერში ან პორტის ირგვლივ. დაუყოვნებლივ აცნობეთ ექიმს, თუ გაქვთ:სიწითლე, შეშუპება ან ტკივილი პორტის ირგვლივჭრილობიდან გამონადენიშეშუპება მკლავზე, გულმკერდზე, კისერზემაღალი სიცხე (> 37.5°C)სისუსტე, კანკალი, სუნთქვის გაძნელებაინფექციის დროს ინიშნება ანტიბიოტიკი. თუ პაციენტის მდგომარეობა არ უმჯობესდება, პორტი შეიძლება ამოიღონ.თრომბი (სისხლის შედედება) - თრომბი შეიძლება განვითარდეს ვენაში, სადაც კათეტერია მოთავსებული. სიმპტომებია:შეშუპებასიწითლეტკივილი პორტის მხარესმკურნალობა ხდება ანტიკოაგულანტებით. თუ არ გაამართლა, პორტის ამოღება გახდება საჭირო.დაბლოკვა - კათეტერი შეიძლება ნაწილობრივ ან სრულად დაიბლოკოს, რაც ართულებს მკურნალობას ან სისხლის აღებას. ამ დროს შეიძლება გამოყენებულ იქნას სპეციალური ხსნარი გასაწმენდად ან საჭირო გახდეს პორტის ამოღება.ზოგადი რეკომენდაციები:პორტის იმპლანტაციიდან რამდენიმე კვირის განმავლობაში ინტენსიურად ნუ ივარჯიშებთ; თუ პორტი ხელზე გაქვთ, ნუ ასწევთ მძიმე ნივთებს (>7 კგ) იმ ხელით;თუ რაიმე მიზეზით სავადმყოფოში მოხვდით, აუცილებლად აცნობეთ ექიმს პორტის შესახებ;სასურველია გქონდეთ სამაჯური/ფოტო, სადაც ეწერება პორტის დეტალები.[პოსტში გამოყენებული ფოტო დაგენერირებულია ხელოვნური ინტელექტის მიერ და ვიზუალურად წარმოაჩენს პორტის მდებარეობას სხეულზე]
სკრინინგ პროგრამები საქართველოში
რა უფასო სკრინინგ პროგრამები არსებობს საქართველოში?თბილისში რეგისტრირებული საქართველოს მოქალაქეებისთვის უფასოა:ძუძუს გამოკვლევები - 40-დან 70 წლის ჩათვლით, რაც ითვალისწინებს მამოგრაფიულ გამოკვლევას; პათოლოგიის გამოვლენის შემთხვევაში - ძუძუს ექოსკოპიასა და გასინჯვას მამოლოგის მიერ; საჭიროების შემთხვევაში, ასევე უფასოა ბიოფსიური მასალის აღება და ციტოლოგიური კვლევა.ძუძუს კიბოს სკრინინგი უფასოა 2 წელიწადში ერთხელ. თუმცა, ამ ვადის მიუხედავად, ექიმის რეკომენდაციით, შესაძლოა კიდევ დაგიბარონ უფასო გამოკვლევაზე, არაუმეტეს წელიწადში ორჯერ.
საშვილოსნოს ყელის გამოკვლევები - 25-დან 60 წლის ჩათვლით, რაც ითვალისწინებს პაპ–ტესტს; პათოლოგიის გამოვლენის შემთხვევაში - კოლპოსკოპიას (საშვილოსნოს ყელის მიკროსკოპიული გამოკვლევა); საჭიროების შემთხვევაში, ასევე, უფასოა კოლპოსკოპიისას ბიოფსიური მასალის აღება და ჰისტოლოგიური კვლევა. საშვილოსნოს ყელის კიბოს სკრინინგი უფასოა 3 წელიწადში ერთხელ. თუმცა, ამ ვადის მიუხედავად, ექიმის რეკომენდაციით, შესაძლოა კიდევ დაგიბარონ უფასო გამოკვლევაზე, არაუმეტეს წელიწადში ორჯერ.
პროსტატის გამოკვლევა - 50-დან 70 წლის ჩათვლით, რაც ითვალისწინებს სისხლში პროსტატის კიბოს სპეციფიკური ანტიგენის (PშA) განსაზღვრას. პროსტატის კიბოს სკრინინგი უფასოა წელიწადში ერთხელ. თუმცა, ამ ვადის მიუხედავად, ექიმის რეკომენდაციით, შესაძლოა კიდევ დაგიბარონ უფასო გამოკვლევაზე, არაუმეტეს წელიწადში ორჯერ.მსხვილი ნაწლავის გამოკვლევები - 50-დან 70 წლის ჩათვლით, რაც ითვალისწინებს ფარულ სისხლდენაზე სპეციალურ ტესტს (FOBთ); პათოლოგიის გამოვლენის შემთხვევაში, ასევე, უფასოა კოლონოსკოპიაც. კოლორექტული კიბოს სკრინინგი უფასოა ორ წელიწადში ერთხელ; თუმცა, ამ ვადის მიუხედავად, ექიმის რეკომენდაციით, შესაძლოა კიდევ დაგიბარონ უფასო გამოკვლევაზე, არაუმეტეს წელიწადში ორჯერ.
ფარისებრი ჯირკვლის კიბოს სკრინინგი - ამ ეტაპზე ეს მომსახურება ხელმისაწვდომია მხოლოდ თბილისში, 25-65 წლის ქალებისთვის და დევნილებისთვის. პროგრამა ითვალისწინებს ფარისებრი ჯირკვლის ულტრაბგერას, საჭიროების შემთხვევაში ენდოკრინოლოგის კონსულტაციას, TSH- ის განსაზღვრა სისხლში, ბიოფსიასა და ციტოლოგიურ გამოკვლევას.
თბილისში სკრინინგ ცენტრების მისამართებია:საბურთალო, მ.ალექსიძის 1დიდუბე, აკაკი წერეთლის 69ვარკეთილი, კალოუბნის 12გლდანი, გლდანის მე-4 მიკრო, 113ასამუშაო საათები: ორშაბათი - პარასკევი 10:00 -17:30 შაბათი - 10:00 - 14:00
შესვენება 13:00-დან 13:30-მდე.
ზემოთ ჩამოთვლილი სამედიცინო მომსახურების მისაღებად უნდა ჩაეწეროთ წინასწარ. ამისთვის დარეკეთ ნომერზე (032) 2-20-35-35 რეგიონებში რეგისტრირებული საქართველოს მოქალაქეებისთვის უფასოა:ძუძუს გამოკვლევები - 40-დან 70 წლის ჩათვლით, რაც ითვალისწინებს მამოგრაფიულ გამოკვლევასა და მამოლოგიურ გასინჯვას. საჭიროების დადასტურების შემთხვევაში, ასევე უფასოა ძუძუს ექოსკოპიაც. ძუძუს კიბოს სკრინინგი უფასოდ ტარდება ორ წელიწადში ერთხელ;საშვილოსნოს ყელის გამოკვლევები - 25-დან 60 წლის ჩათვლით, რაც ითვალისწინებს პაპ–ტესტს; საჭიროების დადასტურების შემთხვევაში უფასოა კოლპოსკოპიაც (საშვილოსნოს ყელის მიკროსკოპიული გამოკვლევა); აუცილებლობის შემთხვევაში, ასევე უფასოა კოლპოსკოპიის დროს აღებული ბიოფსიური მასალის მორფოლოგიური კვლევა. საშვილოსნოს ყელის კიბოს სკრინინგი უფასოდ ტარდება სამ წელიწადში ერთხელ;პროსტატის გამოკვლევა - 50-დან 70 წლის ჩათვლით, რაც ითვალისწინებს სისხლში პროსტატის კიბოს ანტიგენის (PშA) გამოკვლევას. შენიშვნა: ამ პროგრამაში ჩასართავად აუცილებელია ოჯახის ექიმის ან შესაბამისი სპეციალისტის მიმართვა. პროსტატის კიბოს სკრინინგი უფასოდ ტარდება წელიწადში ერთხელ;მსხვილი ნაწლავის გამოკვლევები - 50-დან 70 წლის ჩათვლით, რაც ითვალისწინებს ფარულ სისხლდენაზე სპეციალურ ტესტს (FOBთ); საჭიროების დადასტურების შემთხვევაში უფასოა კოლონოსკოპიაც; აუცილებლობის შემთხვევაში, ასევე უფასოა კოლონოსკოპიის დროს აღებული ბიოფსიური მასალის მორფოლოგიური კვლევა. მსხვილი ნაწლავის კიბოს სკრინინგი უფასოდ ტარდება ორ წელიწადში ერთხელ.ზემოთ ჩამოთვლილი სამედიცინო მომსახურების მისაღებად უნდა ჩაეწეროთ წინასწარ. ამისთვის დარეკეთ ნომერზე (032) 2-20-35-35 აქვე ვუთითებთ ეროვნული სკრინინგ ცენტრის facebook გვერდს
- 12/24/2025 10:41:56 AM
რა არის ბიოფსია? რა ინფორმაციას გვაძლევს მისი პასუხი?
#კატეგორია: მკერდის კიბო
დაწვრილებით
რა არის ბიოფსია? რა ინფორმაციას გვაძლევს მისი პასუხი?
რა არის ბიოფსია და როდის არის აუცილებელი მისი გაკეთება?გაითვალისწინეთ: ბიოფსიის დანიშვნა არ ნიშნავს, რომ თქვენ ნებისმიერ შემთხვევაში კიბო გექნებათ! ის მხოლოდ დიაგნოსტიკური ნაბიჯია, რომელიც აუცილებელია სწორი და დროული გადაწყვეტილებების მისაღებად.ბიოფსიის დროს ექიმი იღებს ქსოვილის ნიმუშს და აგზავნის მას ლაბორატორიაში. ბიოფსია კვლევის საუკეთესო მეთოდია, რადგან ციტოლოგს/მორფოლოგს საშუალებას აძლევს უჯრედები პირდაპირ, მიკროსკოპული გზით შეისწავლოს.ბიოფსიის აღება შესაძლებელია სხეულის თითქმის ნებისმიერი ნაწილიდან — მათ შორის კანიდან, შინაგანი ორგანოებიდან და სხვა სტრუქტურებიდან.ბიოფსიით კლინიკური დიაგნოზი და პათოლოგიური პროცესის ტიპი და გავრცელების საზღვრები ზუსტდება. მის პასუხს ხშირ შემთხვევაში გადამწყვეტი მნიშვნელობა აქვს მკურნალობის კურსის განსაზღვრისთვის.ერთმანეთისგან განასხვავებენ ბიოფსიის რამდენიმე ტიპს, მათ შორის:წვრილნემსიან ასპირაციულ ბიოფსიას;მსხვილნემსიან ბიოფსიას;ღია, ანუ ოპერაციულ ბიოფსიას;ლაპაროსკოპიულს;ენდოსკოპიურ ბიოფსიას და სხვ.რა მიზნით ტარდება ბიოფსია?ბიოფსია შეიძლება ჩატარდეს, რათა:
დაისვას დიაგნოზიდადასტურდეს ან არ დადასტურდეს კიბოს არსებობაგაირკვეს რამდენად გავრცელებულია კიბო (სტადია)განისაზღვროს კიბოს ხარისხი (გრეიდი)თუ აღმოჩენილი უჯრედები გადაგვარებულია, შესაძლოა საჭირო გახდეს დამატებითი ანალიზები სიმსივნის ტიპის დასადგენად, უჯრედების ზრდის ტემპის შესაფასებლად და იმის დასადგენად, გავრცელებულია თუ არა კიბო ახლომდებარე ქსოვილში.ამის შემდეგ თქვენი ექიმი გადაწყვეტს, გჭირდებათ თუ არა დამატებითი პროცედურები, შემდგომი მეთვალყურეობა ან დამატებითი მკურნალობა.როგორ ტარდება ბიოფსია?ბიოფსიის ჩატარების წესი დამოკიდებულია იმაზე, სხეულის რომელი უბნიდან იღებენ ნიმუშს. ბიოფსიის ტიპიდან გამომდინარე, პროცედურა შეიძლება ჩატარდეს როგორც ამბულატორიულად, ისე სტაციონარში.ბიოფსია შეიძლება ჩატარდეს:
ზოგადი ანესთეზიით — ეს ნიშნავს, რომ იძინებთ და ვერაფერს გრძნობთ.ან ადგილობრივი ანესთეზიით — ექიმი აკეთებს ადგილის გაუტკივარებას ნიმუშის აღებამდე.ბიოფსია შესაძლოა ჩატარდეს როგორც ულტრასონოგრაფიის, ისე კომპიუტერული ტომოგრაფიის კონტროლით, რათა ზუსტად დაინახონ ნიმუშის ასაღები ადგილი.ბიოფსია, როგორც წესი, უსაფრთხო პროცედურაა, მაგრამ ზოგჯერ, როგორც სხვა სამედიცინო ჩარევისას, შეიძლება გამოიწვიოს გართულებები.ბიოფსიის შესაძლო რისკებია:სისხლდენა – შესაძლოა მცირე სისხლდენა გქონდეთ ბიოფსიის ადგილიდან. ამ შემთხვევაში დაუკავშირდით ექიმს ან მედდას.ინფექცია – შესაძლებელია ინფექციის განვითარება. დაუყოვნებლივ მიმართეთ ექიმს, თუ გაქვთ ტემპერატურა 37.5°C-ზე მეტი ან 36°C-ზე ნაკლები, კუნთების ტკივილი, საერთო სისუსტე და დაღლილობა.ტკივილი – რამდენიმე დღე შესაძლოა გქონდეთ ტკივილი ბიოფსიის ადგილას. თუ ტკივილი გაძლიერდება, აუცილებლად შეატყობინეთ ექიმს.გამოყენებული წყარო:
1. Biopsy | Biopsy meaning | What is a Biopsy?
2. Breast Biopsy: Why it’s Done, Techniques, & More
3. Biopsy: Types of biopsy procedures used to diagnose cancer - Mayo Clinic
- 12/24/2025 10:34:46 AM
შიშის მართვის 10 გზა კიბოს დიაგნოზის გაგების შემდეგ
#კატეგორია: ემოციური მხარდაჭერა
დაწვრილებით
შიშის მართვის 10 გზა კიბოს დიაგნოზის გაგების შემდეგ